السلام عليكم
فناجيل المراجل// للشاعر// علي بن احمد الجاسم البوعينين ( عاشق الجوري)
للـ مفعمه .. اجمل بنات الكون بعيون الجميع
********** للـ سيده ارقى الاناث الصاخبه موت وضياع
ترقص قصيدة حب موسومه على خد الربيع
********** متغلفه بالبرد واحساس النقايض والصراع
ماجيت شاريها وانا ناوي معا الفرقا ابيع
********** بس جيت اعلمها سواليف المجاعه والجياع
ولا جيت احمل حبرها ذنب البروده والصقيع
********** دام انـ قلبي شب فيـ دمـه ومحسوبه شجاع
اصب من حزني فناجيل المراجل للرضيع
********** واقول سم ولا على بالي حنينه للرضاع
حزني سبال ولا على يمناي بالمده رجيع
********** لو هز فنجاله وقال اكرم فلايمكن يطاع
مادامه الا في حمى اضلاعي وكاد انه منيع
********** دونه مسيرة حرب لايمكن يسطرها نزاع
يالغاليه لولاي اخاف اكتب معاناتي واضيع
********** وتصير عرضه والحكي غايه تـ ّجر الاستماع
لـ اقول احبك لين احس القلب من ذكرك يميع
********** واخاف اشيلك واودعك عيني وتصبح لي قناع
شفني كذا بصمتك توايقني وانا كني صريع
********** وشلون لو رحتي وقلتي يا "علي" هذا وداع
أي والله اني اعشقك ديره واخاف انك تضيع
********** واقسى شعور اني معك موطن واشعر في ضياع
علي البوعينين
__________________
:
فنـــاجــيل المــراجل // عــلي بــن احــمــد الـــجاســم ال بوعـــينين
